ज्येष्ठ नागरिकांसाठी दिलासा! — ‘एल्डर लाईन 14567’ ही टोल फ्री राष्ट्रीय हेल्पलाईन आता महाराष्ट्रातही कार्यरत
📞 सकाळी ८ ते संध्याकाळी ८ — आठवड्यातील सातही दिवस
बुलढाणा | 14 जुलै | प्रतिनिधी
देशभरातील ज्येष्ठ नागरिकांना आधार देण्यासाठी केंद्र सरकारच्या सामाजिक न्याय आणि सबलीकरण मंत्रालयामार्फत सुरू करण्यात आलेली ‘एल्डर लाईन 14567’ ही टोल फ्री हेल्पलाईन सेवा आता महाराष्ट्र राज्यातही कार्यरत झाली आहे.
ज्येष्ठांच्या समस्यांचे त्वरित निवारण व्हावे यासाठी ही सेवा राष्ट्रीय समाज रक्षा संस्थान (NISD), महाराष्ट्र शासन, आणि जनसेवा फाउंडेशन पुणे यांच्या संयुक्त विद्यमाने राबवली जात आहे.
हेल्पलाईनचा उद्देश केवळ फोनवर मदत पुरवण्यापुरता मर्यादित नसून, ज्येष्ठ नागरिकांना आत्मसन्मानाने जगता यावे, त्यांच्या तक्रारी ऐकून योग्य संस्थांकडून मदत मिळवून देणे हे मुख्य उद्दिष्ट आहे.
📌 या हेल्पलाईनद्वारे मिळणाऱ्या सेवा:
भावनिक आधार व समुपदेशन
कौटुंबिक वाद निवारण
पेन्शन, आरोग्य व कायदेविषयक मार्गदर्शन
वृध्दाश्रमांची माहिती
सरकारी योजनांविषयी सल्ला
हरवलेल्या ज्येष्ठांचा शोध
पोलीस किंवा तत्काळ मदतीसाठी मार्गदर्शन
🧓 “या तक्रारी घेऊन संपर्क साधतात”
मुलगा परदेशात असून सांभाळ नाही
सुन खायला देत नाही
घरातील संपत्तीवरून होणारे त्रास
एकटेपणाची भावना व आत्महत्येच्या विचारांपासून मदत
गर्दीच्या ठिकाणी हरवलेले वृद्ध नागरिक
जनतेस आवाहन:
ज्येष्ठांनी किंवा त्यांच्या नातेवाईकांनी भीती न बाळगता ‘एल्डर लाईन 14567’ या क्रमांकावर संपर्क साधावा, असे आवाहन जनसेवा फाउंडेशनकडून करण्यात आले आहे. अधिक माहितीसाठी www.elderline.dosje.gov.in या संकेतस्थळाला भेट द्यावी.
✅ संपादकीय टिप:
‘एल्डर लाईन’ ही सेवा केवळ हेल्पलाईन नाही, ती ज्येष्ठांच्या असुरक्षिततेवरचा उत्तरार्ध आहे. समाजात वृद्धांच्या सुरक्षितता, सन्मान आणि मदतीच्या दिशेने हा एक सकारात्मक आणि गरजूंना दिलासा देणारा उपक्रम आहे.