🚨 खामगाव पोलीस दलाचा अभिमान!पोलीस निरीक्षक रामकृष्ण पवार यांना राष्ट्रपती पुरस्काराने सन्मान ! PresidentAward2025

🚨खामगाव शहर पोलीस स्टेशनचे पोलीस निरीक्षक रामकृष्ण नारायणराव पवार यांना पोलीस दलातील उल्लेखनीय कार्याबद्दल राष्ट्रपती पदकाने गौरविण्यात आले, ही खामगावसह संपूर्ण बुलढाणा जिल्ह्यासाठी गौरवाची आणि अभिमानाची बाब ठरली आहे.—🏅 मुंबई राजभवनात राष्ट्रपती पदक अलंकरण सोहळा२९ जुलै रोजी मुंबई येथील राजभवनात राज्यपाल सी. पी. राधाकृष्णन यांच्या प्रमुख उपस्थितीत झालेल्या सोहळ्यात पवार यांना हा राष्ट्रपती पदक प्रदान करण्यात आला.

👮‍♂️ DG रश्मी शुक्ला यांच्या हस्ते विशेष सत्कार

या अगोदर, २८ जुलै रोजी मुंबई पोलीस मुख्यालयात राज्याच्या पोलीस महासंचालक श्रीमती रश्मी शुक्ला यांच्या हस्ते पोलीस निरीक्षक पवार व त्यांच्या पत्नीचा विशेष सत्कार करण्यात आला.

🌾 पाटणगावचे सुपुत्र, धुळे जिल्ह्याची शान

पोलीस निरीक्षक रामकृष्ण पवार हे धुळे जिल्ह्यातील शिंदखेडा तालुक्यातील पाटणगाव येथील रहिवासी असून त्यांचे वडीलही पोलीस दलात कार्यरत होते. पवार यांनी नक्षलप्रभावित व दंगलग्रस्त भागातही जबरदस्त सेवा बजावली आहे.

⚔️ दबंग, निष्पक्ष आणि सेवाभावी कार्याची पावती

कोरोना काळातील कार्य, संवेदनशील प्रकरणातील हस्तक्षेप, आणि जनतेसाठी अहोरात्र झटणारे अधिकारी म्हणून पवार यांची ओळख आहे. याअगोदरही त्यांना २०२३ मध्ये तत्कालीन राज्यपाल आणि मुख्यमंत्री देवेंद्र फडणवीस यांच्याकडून पुरस्कार मिळाले आहेत.

🏆 खामगाव पोलीस दलासाठी प्रेरणादायी क्षण

पवार यांना मिळालेला राष्ट्रपती पुरस्कार केवळ वैयक्तिक सन्मान नसून खामगाव पोलीस दलाच्या कार्यक्षमतेची आणि जनतेशी नात्याची पावती मानली जात आहे. त्यांच्या कार्यातून दबंग नेतृत्व, कर्तव्यनिष्ठा आणि सेवाभावाचे दर्शन घडते.